ಗೋಲ್ಡನ್ ಸ್ಟಾರ್ ಗಣೇಶ್ ನಾಯಕನಾಗಿ ತನ್ನ ಸಿನಿಪಯಣವನ್ನು ಆರಂಭಿಸಿ ಭರ್ತಿ 20 ವರ್ಷ ತುಂಬಿದೆ. ಧಾರಾವಾಹಿಗಳಲ್ಲಿ ಸಣ್ಣ ಪುಟ್ಟ ಪಾತ್ರ, `ಕಾಮಿಡಿ ಟೈಮ್‌’ ಎಂಬ ಹೆಸರು ತಂದುಕೊಟ್ಟ ಕಾರ್ಯಕ್ರಮದ ಬಳಿಕ ಗಣೇಶ್ ಕಾಲಿಟ್ಟದ್ದು ಸಿನಿ ಲೋಕಕ್ಕೆ. ಎಂಡಿ ಶ್ರೀಧರ್ ನಿರ್ದೇಶಿಸಿದ `ಚೆಲ್ಲಾಟ’ ಚಿತ್ರದ ಮೂಲಕ ಗಣೇಶ್ ಸಿನಿಲೋಕಕ್ಕೆ ಕಾಲಿಟ್ಟದರೂ, ಅದೇ ವರ್ಷ ರಿಲೀಸ್ ಆಗಿದ್ದ ` ಮುಂಗಾರು ಮಳೆ’ ಚಿತ್ರ ಗಣೇಶ್ ಬದುಕಿನ ದಿಕ್ಕನ್ನೇ ಬದಲಾಯಿಸಿತ್ತು. ಸೂಪರ್ ಹಿಟ್ ಆದ ಈ ಸಿನಿಮಾ ಗಣೇಶ್ ಅವರ ಸಿನಿಲೋಕದಲ್ಲಿ ದೊಡ್ಡ ಮೈಲುಗಲ್ಲಾದ ಚಿತ್ರವೂ ಹೌದು.
View this post on Instagram
ಹೀಗೆ 20 ವರ್ಷಗಳ ಹಿಂದೆ ಶುರುವಾಗಿದ್ದ ಈ ಸಿನಿಮಾ ಪಯಣದಲ್ಲಿ ಗಣೇಶ್ ಸುಮಾರು 40ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ತಮ್ಮದೇ ಆದ ವಿಶಿಷ್ಟ ನಟನಾ ಕೌಶಲ್ಯ, ಡೈಲಾಗ್ ಡೆಲಿವರಿ, ಟೈಮಿಂಗ್, ಕಾಮಿಡಿ ಎಲ್ಲವೂ ಗಣೇಶ್ ಅವರ ಕೈ ಹಿಡಿದಿದೆ. ಹೀಗಾಗಿಯೇ ಗಣೇಶ್ `ಗೋಲ್ಡನ್ ಸ್ಟಾರ್’ ಆಗಿ ಜನಮಾನಸದಲ್ಲಿ ಮಿಂಚುತ್ತಿದ್ದಾರೆ.
ನಾಯಕನಾಗಿ 20 ವರ್ಷಗಳನ್ನು ಪೂರೈಸುತ್ತಿರುವ ಗಣೇಶ್ ಸಿನಿರಂಗದಲ್ಲಿ ಈಗಲೂ ಸಕ್ರಿಯರಾಗಿದ್ದಾರೆ. ಶ್ರೀನಿವಾಸ್ ರಾಜು ನಿರ್ದೇಶನದ ಬೃಂದಾ ವಿಹಾರಿ ಚಿತ್ರದ ಕೆಲಸದಲ್ಲಿ ಇವರು ತೊಡಗಿದ್ದಾರೆ. ಜೊತೆಗೆ ಇನ್ನೂ ಕೆಲವೊಂದು ಪ್ರಾಜೆಕ್ಟ್‌ಗಳು ಗಣೇಶ್ ಕೈಯಲ್ಲಿದೆ.
