ಸು ಫ್ರಮ್ ಸೋ ಚಿತ್ರದ ಮೂಲಕ ಜನಮನ ಗೆದ್ದ ನಟ, ನಿರ್ದೇಶಕ ಜೆ ಪಿ ತುಮಿನಾಡ್ ಈಗ ಮಲಯಾಳಂ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ವಾಝಾ ಚಿತ್ರದ ನಿರ್ದೇಶಕ ಆನಂದ್ ಮೆನೆನ್ ಅವರ ಹ್ಯಾಪಿಲೂಪ್ ಚಿತ್ರದಲ್ಲಿ ಜೆಪಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಮಂಜು ವಾರಿಯರ್, ಮುಖೇಶ್ ಸೇರಿ ಹಲವರು ನಟಿಸಲಿದ್ದಾರೆ.
ಜೆ ಪಿ ತುಮಿನಾಡ್ ಶೀಘ್ರದಲ್ಲೇ ಹ್ಯಾಪಿಲೂಪ್‌ನ ಸೆಟ್‌ಗೆ ಸೇರುವ ನಿರೀಕ್ಷೆಯಿದೆ. ಬಿನಿಶ್ ಚಂದ್ರ ಅವರ ಮೂವಿ ಬಕೆಟ್ ಬ್ಯಾನರ್‌ನಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ.
ಜೆ ಪಿ ತುಮಿನಾಡ್ ನಟನೆ, ನಿರ್ದೇಶನದ ಸು ಫ್ರಮ್ ಸೋ ಚಿತ್ರವು ಕೇರಳದಲ್ಲೂ ಸಾಕಷ್ಟು ಮೆಚ್ಚುಗೆ ಗಳಿಸಿತ್ತು. ಇತ್ತೀಚೆಗಷ್ಟೇ ದಾಂಪತ್ಯಕ್ಕೆ ಕಾಲಿಟ್ಟಿರುವ ಜೆ ಪಿ ತುಮಿನಾಡ್, ಬಣ್ಣದ ಲೋಕದಲ್ಲಿ ವಿವಿಧ ಪ್ರಾಜೆಕ್ಟ್‌ಗಳೊಂದಿಗೆ ಮುನ್ನಡೆಯುತ್ತಿದ್ದಾರೆ.
