ಧುರಂಧರ್ ಗಳಿಕೆಯಲ್ಲಿ ಪಾಲು ಕೊಡಿ : ಇದು ಪಾಕಿಸ್ತಾನದ ಲಿಯಾರಿ ಜನರ ಒತ್ತಾಯ!

`ಧುರಂಧರ್: ದಿ ರಿವೆಂಜ್’ ನಿಂದ ಬಂದ ಗಳಿಕೆಯ ಪಾಲು ನಮಗೂ ಕೊಡಿ ಎಂದು ಕೇಳುತ್ತಿದ್ದಾರೆ ಪಾಕಿಸ್ತಾನದ ಲಿಯಾರಿ ಜನರು! ಕಾರಣ ಈ ಚಿತ್ರದ ಬಹುತೇಕ ಸನ್ನಿವೇಶದಲ್ಲಿ ಇರುವುದೇ ಈ ಲಿಯಾರಿಯ ಕಥೆ. ಹಾಗಾಗಿ ತಮ್ಮ ಕಥೆಯಿಂದ ಬಂದ ಲಾಭದಲ್ಲಿ ನಮಗೂ ಪಾಲು ಕೊಡಿ ಎನ್ನುವುದು ಇವರ ಒತ್ತಾಯ!

ಹೌದು, ರಣವೀರ್ ಸಿಂಗ್ ಅಭಿನಯದ ಧುರಂಧರ್ ಸರಣಿ ಬಾಕ್ಸ್ ಆಫೀಸ್‍ನಲ್ಲಿ ಕೊಳ್ಳೆ ಹೊಡೆಯುತ್ತಿದೆ. `ಧುರಂಧರ್: ದಿ ರಿವೆಂಜ್’ ಚಿತ್ರ ಜಾಗತಿಕವಾಗಿ 1,000 ಕೋಟಿ ರೂಪಾಯಿ ದಾಟಿದೆ. ಈ ಸರಣಿಯ ಪ್ರಮುಖ ಕಥೆ ಪಾಕಿಸ್ತಾನದ ಲಿಯಾರಿಯ ಸುತ್ತನೇ ಸುತ್ತುತ್ತದೆ.

ಸದ್ಯ ಆನ್‍ಲೈನ್‍ನಲ್ಲಿ ಪ್ರಸಾರವಾಗುತ್ತಿರುವ ವಿಡಿಯೋಗಳಲ್ಲಿ ಈ ಸಿನಿಮಾದಲ್ಲಿ ಲಿಯಾರಿಯ ಹೆಸರು ಹಾಗೂ ಹಿನ್ನೆಲೆ ಬಳಸಿರುವುದರಿಂದ ಇಲ್ಲಿನ ಜನರು ಆರ್ಥಿಕ ಸಹಾಯ ನೀಡಬೇಕು ಎಂದು ಒತ್ತಾಯಿಸುತ್ತಿದ್ದಾರೆ. ಭಾರತ ಆರ್ಥಿಕ ಸಹಾಯ ನೀಡಿದರೆ ಇಲ್ಲಿನ ರಸ್ತೆ ಸೇರಿ ಮೂಲಸೌಕರ್ಯಗಳು ಸುಧಾರಿಸಬಹುದು ಎಂದು ವಿಡಿಯೋದಲ್ಲಿ ಹೇಳುವುದನ್ನು ನೋಡಬಹುದಾಗಿದೆ.

Aditya Dhar ji, demand has increased. 🤣

Now, people in Lyari are demanding 70–80% share of the profits from Dhurandhar 2.

Pakistan really never miss a chance to demand money on any occasion. Please help them. https://t.co/QaBmx0TF5I pic.twitter.com/LnKnKTTdVI

— Suraj Kumar Bauddh (@SurajKrBauddh) March 28, 2026

ಆದಿತ್ಯ ಧರ್ ನಿರ್ದೇಶನದ ಈ ಚಿತ್ರವು ಲಿಯಾರಿಯಲ್ಲಿ ನಡೆಯುವ ಗ್ಯಾಂಗ್ ನೆಟ್‍ವರ್ಕ್‍ಗಳನ್ನು ನಿರ್ವಹಿಸುವ ಭಾರತೀಯ ಗುಪ್ತಚರನ ಕಥೆಯೊಂದಿಗೆ ಸಾಗುತ್ತದೆ. ರಣವೀರ್ ಸಿಂಗ್ ಜೊತೆಗೆ ಅರ್ಜುನ್ ರಾಂಪಾಲ್, ಆರ್. ಮಾಧವನ್, ಅಕ್ಷಯ್ ಖನ್ನಾ, ಸಂಜಯ್ ದತ್, ರಾಕೇಶ್ ಬೇಡಿ ಮತ್ತು ಸಾರಾ ಅರ್ಜುನ್ ಈ ಚಿತ್ರಗಳಲ್ಲಿ ನಟಿಸಿದ್ದಾರೆ.