`ಇದ್ದಲ್ಲೇ ಇರಿ’ : ಇರಾನ್‍ನಲ್ಲಿರುವ ಭಾರತೀಯರಿಗೆ ಸೂಚನೆ : ಇಲ್ಲಿವೆ ತುರ್ತು ಸಂಖ್ಯೆಗಳು
ಮಧ್ಯ ಪ್ರಾಚ್ಯ ಸಂಘರ್ಷ ತಾರಕಕ್ಕೇರುತ್ತಿರುವ ಸೂಚನೆ ಕಾಣುತ್ತಿದೆ. ಹೀಗಾಗಿ ಸದ್ಯ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ಭಾರತೀಯ ವಿದೇಶಾಂಗ ಸಚಿವಾಲಯ ಇರಾನ್‍ನಲ್ಲಿರುವ ಭಾರತೀಯರಿಗೆ ತುರ್ತು ಸಂದೇಶ ನೀಡಿದೆ. ಜೊತೆಗೆ ಸದ್ಯ ಇರಾನ್‍ನಲ್ಲಿರುವ ಭಾರತೀಯ ಪ್ರಜೆಗಳು ತಾವು ಇದ್ದ ಸ್ಥಳದಲ್ಲೇ ಇರುವಂತೆ, ತಾವಿದ್ದ ಸ್ಥಳದಲ್ಲಿಯೇ ಆಶ್ರಯ ಪಡೆಯುವಂತೆ ಹಾಗೂ ಮುಂದಿನ ಸಂಚಾರಗಳನ್ನು ತಪ್ಪಿಸುವಂತೆ ಸೂಚಿಸಿದೆ.
Advisory in view of the rapidly evolving situation in Iran ⬇️
🔗 https://t.co/wyWOCzDfsZ pic.twitter.com/95JN4LxC9P
— Randhir Jaiswal (@MEAIndia) April 7, 2026
ಜೊತೆಗೆ ಇರಾನ್‍ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು ಮುಂದಿನ 48 ಗಂಟೆಗಳ ಕಾಲ ಅವರು ಇರುವ ಸ್ಥಳದಲ್ಲೇ ಇರಬೇಕೆಂದು ಸೂಚಿಸಿದೆ. ಒಳಾಂಗಣದಲ್ಲಿಯೇ ಇರಿ ಹಾಗೂ ಯಾವುದೇ ಹೆದ್ದಾರಿ ಚಲನೆಯನ್ನು ರಾಯಭಾರ ಕಚೇರಿಯೊಂದಿಗೆ ಕಟ್ಟುನಿಟ್ಟಾಗಿ ಸಂಯೋಜಿಸಲು ನಾಗರಿಕರನ್ನು ಒತ್ತಾಯಿಸಿದೆ. ಮಿಲಟರಿ ಮೂಲಸೌಕರ್ಯ, ಬಹುಮಹಡಿ ಕಟ್ಟಡ ಮುಂತಾದ ಪ್ರದೇಶಗಳಲ್ಲಿ ನಿಲ್ಲದಂತೆ ಸೂಚನೆ ನೀಡಲಾಗಿದ್ದು, ಮನೆಯಲ್ಲೇ ಇರುವಂತೆ ತಿಳಿಸಲಾಗಿದೆ.
ಇರಾನ್‍ನೊಳಗೆ ಮತ್ತು ಇರಾನ್‍ನ ಗಡಿ ದಾಟುವಿಕೆಗಳಿಗೆ ಯಾವುದೇ ಚಲನೆಯನ್ನು ಟೆಹ್ರಾನ್‍ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯೊಂದಿಗೆ ನಿಕಟ ಸಮನ್ವಯದಿಂದ ಮತ್ತು ರಾಯಭಾರ ಕಚೇರಿಯ ಸ್ಪಷ್ಟ ಮಾರ್ಗದರ್ಶನ ಪಡೆದ ನಂತರವೇ ಪರಿಗಣಿಸಬಹುದು ಎಂದು ಸಚಿವಾಲಯ ಸಲಹೆ ನೀಡಿದೆ.
ಸಹಾಯವಾಣಿ ಸಂಖ್ಯೆಗಳು ಹೀಗಿವೆ
+989128109115, +989128109109, +989128109102 ಮತ್ತು +989932179359 ಈ ಮೊಬೈಲ್ ಸಂಖ್ಯೆಗಳ ಮೂಲಕ ಸಂಪರ್ಕಿಸಬಹುದು. ರಾಯಭಾರ ಕಚೇರಿಯ ಇಮೇಲ್ ವಿಳಾಸ cons.tehran@mea.gov.in
