ರೆನಾಲ್ಟ್ ಬ್ರಿಡ್ಜರ್ ಪರಿಕಲ್ಪನೆ ಅನಾವರಣ : 2027ರ ಅಂತ್ಯದಲ್ಲಿ ಭಾರತದಲ್ಲಿ ಬಿಡುಗಡೆ ಸಾಧ್ಯತೆ
ರೆನಾಲ್ಟ್ ತನ್ನ ಬಹುನಿರೀಕ್ಷಿತ ಬ್ರಿಡ್ಜರ್‌ನ ಪರಿಕಲ್ಪನೆಯನ್ನು ಅನಾವರಣಗೊಳಿಸಿದೆ. ಇದು ಸಬ್-4 ಮೀಟರ್ ಎಸ್ಯುವಿ ಪರಿಕಲ್ಪನೆಯಾಗಿದೆ. ಇದು ಬಾಕ್ಸಿ ಮತ್ತು ದೃಢವಾದ ವಿನ್ಯಾಸವನ್ನು ಹೊಂದಿದೆ. ಕಾಂಪೆಕ್ಟ್‌ ಎಸ್ಯುವಿ ಸೆಗ್ಮೆಂಟ್‌ನಲ್ಲಿ ಬರಲಿರುವ ರೆನಾಲ್ಟ್ ಬ್ರಿಡ್ಜರ್ ಭಾರತದಲ್ಲಿ ಮಾರುತಿ ಸುಜುಕಿ ಬ್ರೆಝಾ, ಹುಂಡೈ ವೆನ್ಯೂ, ಟಾಟಾ ನೆಕ್ಸಾನ್ ಮತ್ತು ಕಿಯಾ ಸೋನೆಟ್‌ನಂತಹ ಕಾರುಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.
ರೆನಾಲ್ಟ್‌ನ ಇತ್ತೀಚಿನ ಸ್ಟ್ರಾಟಜಿ ಡೇ ಪ್ರಸ್ತುತಿಯಲ್ಲಿ ಬ್ರಿಡ್ಜರ್ ಕಾನ್ಸೆಪ್ಟ್ ಅನ್ನು ಪ್ರದರ್ಶಿಸಲಾಯಿತು. ಈ ಹೊಸ ಎಸ್ಯುವಿಯ ಸಂಪೂರ್ಣ ವಿಶೇಷಣಗಳನ್ನು ಕಂಪನಿ ಬಹಿರಂಗಪಡಿಸಿಲ್ಲ. ಆದರೆ ಭಾರತದ ಮಾರುಕಟ್ಟೆಯಲ್ಲಿ ಈ ಎಸ್ಯುವಿಯ ಉತ್ಪಾದನಾ ಆವೃತ್ತಿಯನ್ನು 2027ರ ಅಂತ್ಯದ ವೇಳೆಗೆ ಪರಿಚಯಿಸುವ ಸಾಧ್ಯತೆ ಇದೆ.
View this post on Instagram
ರೆನಾಲ್ಟ್ ಬ್ರಿಡ್ಜರ್‌ನ ಉತ್ಪಾದನಾ ಆವೃತ್ತಿಯು ರೆನಾಲ್ಟ್‌ನ R-GMP ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ಕಂಪನಿಯು ಈ ಎಸ್‌ಯುವಿಯನ್ನು ಪೆಟ್ರೋಲ್, ಹೈಬ್ರಿಡ್ ಮತ್ತು ಸಂಪೂರ್ಣ ವಿದ್ಯುತ್ ಆವೃತ್ತಿಗಳನ್ನು ಒಳಗೊಂಡಂತೆ ವ್ಯಾಪಕ ಶ್ರೇಣಿಯ ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ಬಿಡುಗಡೆ ಮಾಡಲು ಯೋಚಿಸುತ್ತಿದೆ.
