ಗ್ಲೋಬಲ್‌ ಎನ್‌ಸಿಎಪಿ ರೀತಿಯೇ ಭಾರತದಲ್ಲೂ ಬಿಎನ್‌ಸಿಎಪಿ ಕ್ರ್ಯಾಶ್ ಟೆಸ್ಟ್ ನಡೆಯುತ್ತದೆ. ಇದೀಗ ಈ ಭಾರತ್ ಎನ್‌ಸಿಎಪಿ ಕಾರ್ಯಕ್ರಮದಡಿಯಲ್ಲಿ ಹ್ಯುಂಡೈ ವೆನ್ಯೂ, ಸ್ಪೋರ್ಟಿಯರ್ ವೆನ್ಯೂ ಎನ್‌ ಲೈನ್ ಜೊತೆಗೆ ಕ್ರ್ಯಾಶ್ ಟೆಸ್ಟ್‌ಗೆ ಒಳಪಟ್ಟಿದೆ. ಈ ಪರೀಕ್ಷೆಯ ಫಲಿತಾಂಶ ಈಗ ಹೊರಬಿದ್ದಿದೆ.
ಭಾರತ್ ಎನ್‌ಸಿಎಪಿ ಪರೀಕ್ಷೆಯ ಪ್ರಕಾರ ಹುಂಡೈ ವೆನ್ಯೂ ಕಾಂಪಾಕ್ಟ್‌ ಎಸ್ಯುವಿ ವಯಸ್ಕ ಮತ್ತು ಮಕ್ಕಳ ಪ್ರಯಾಣಿಕರ ರಕ್ಷಣೆ ಎರಡರಲ್ಲೂ ಬಲವಾದ ಕಾರ್ಯಕ್ಷಮತೆಯನ್ನು ನೀಡಿದೆ. ವಯಸ್ಕ ಪ್ರಯಾಣಿಕರ ರಕ್ಷಣೆ (AOP) ವಿಭಾಗದಲ್ಲಿ ವೆನ್ಯೂ ಗರಿಷ್ಠ 32 ಪಾಯಿಂಟ್‌ಗಳಲ್ಲಿ 31.15 ಅಂಕಗಳನ್ನು ಪಡೆದರೆ, ಮಕ್ಕಳ ಪ್ರಯಾಣಿಕರ ರಕ್ಷಣೆ (COP) ಗಾಗಿ, 49 ಪಾಯಿಂಟ್‌ಗಳಲ್ಲಿ 44.46 ಅಂಕಗಳನ್ನು ಗಳಿಸಿದೆ.
Safety Ratings of HYUNDAI – VENUE
The HYUNDAI – VENUE has scored 5-Stars in Adult Occupant Protection (AOP) and 5-Stars in Child Occupant Protection (COP) in the recent Bharat NCAP crash tests.#bharatncap #safetyfirst #safetybeyondregulations #morestarssafercars #drivesafe pic.twitter.com/74le80xZPw
— Bharat NCAP (@bncapofficial) March 30, 2026
ಈ ಎಸ್ಯುವಿ ಮುಂಭಾಗದ ಆಫ್‌ಸೆಟ್ ಡಿಫಾರ್ಮೇಬಲ್ ತಡೆಗೋಡೆ ಪರೀಕ್ಷೆಯಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸಿದೆ. ಇದು ಚಾಲಕ ಮತ್ತು ಮುಂಭಾಗದ ಪ್ರಯಾಣಿಕರ ತಲೆ ಮತ್ತು ಕುತ್ತಿಗೆಗೆ ಉತ್ತಮ ರಕ್ಷಣೆ ನೀಡಿತು. ಕೆಳಗಿನ ದೇಹಕ್ಕೆ ರಕ್ಷಣೆಯನ್ನು ಸಹ ಉತ್ತಮವೆಂದು ರೇಟ್ ಮಾಡಲಾಗಿದೆ. ಈ ಮೂಲಕ ಈ ಎಸ್ಯುವಿ ಎರಡೂ ವಿಭಾಗಗಳಲ್ಲೂ ಫೈವ್ ಸ್ಟಾರ್ ರೇಟಿಂಗ್ ಪಡೆದಿದೆ.
