Skoda Kushaq Facelift : ಸ್ಕೋಡಾ ಕುಶಾಕ್ ಫೇಸ್‍ಲಿಫ್ಟ್ ಬಿಡುಗಡೆ : ಶುರುವಾಗಿದೆ ಬುಕ್ಕಿಂಗ್
ಸ್ಕೋಡಾ ಆಟೋ ಇಂಡಿಯಾ ತನ್ನ ಜನಪ್ರಿಯ ಕುಶಾಕ್‍ನ ಫೇಸ್‍ಲಿಫ್ಟ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಎಸ್‍ಯುವಿಯ ಎಕ್ಸ್ ಶೋರೂಮ್ ಬೆಲೆ 10.69 ಲಕ್ಷ ರೂಪಾಯಿಯಿಂದ ಆರಂಭವಾಗಲಿದೆ. ಹೊಸ ಎಸ್‍ಯುವಿಗಾಗಿ ಈಗಾಗಲೇ ಬುಕ್ಕಿಂಗ್ ಆರಂಭವಾಗಿದ್ದು, ಆಸಕ್ತ ಗ್ರಾಹಕರು ಆನ್‍ಲೈನ್‍ನಲ್ಲಿ ಅಥವಾ ಹತ್ತಿರದ ಡೀಲರ್‍ಶಿಪ್‍ಗಳಲ್ಲಿ ಬುಕ್ ಮಾಡಿಕೊಳ್ಳಬಹುದು. ಈ ಎಸ್‍ಯುವಿಯ ವಿತರಣೆ ಶೀಘ್ರ ಆರಂಭವಾಗುವ ನಿರೀಕ್ಷೆ ಇದೆ.
ಹೊಸ ಕುಶಾಕ್ ಅನ್ನು ಕ್ಲಾಸಿಕ್ ಪ್ಲಸ್, ಸಿಗ್ನೇಚರ್, ಸ್ಪೋರ್ಟ್‍ಲೈನ್, ಪ್ರೆಸ್ಟೀಜ್ ಮತ್ತು ಮಾಂಟೆ ಕಾರ್ಲೊ ಎಂಬ ಐದು ವೇರಿಯೆಂಟ್‍ಗಳಲ್ಲಿ ನೀಡಲಾಗುತ್ತಿದೆ.
The new Škoda Kushaq.
Where everything around you shifts and every moment feels bigger, lighter and effortlessly Easy to love.
Book a Test Drive- https://t.co/KUdvepSBWj#SkodaKushaq #EasyToLove #SkodaIndia pic.twitter.com/tiRtz1fSOe— Škoda India (@SkodaIndia) March 21, 2026
ಹೊಸ ಎಸ್‍ಯುವಿಯಲ್ಲಿ ಯಾಂತ್ರಿಕವಾಗಿ ಯಾವುದೇ ಬದಲಾವಣೆಯಾಗಿಲ್ಲ. ಒಂದು 1.0-ಲೀಟರ್, 3-ಸಿಲಿಂಡರ್, ಟರ್ಬೊ ಪೆಟ್ರೋಲ್ 115 ಎಚ್‍ಪಿ ಮತ್ತು 175 ಎನ್‍ಎಂ ಟಾರ್ಕ್ ನೀಡಿದರೆ ಇನ್ನೊಂದು 150 ಎಚ್‍ಪಿ ಮತ್ತು 250 ಎನ್‍ಎಂ ಹೊಂದಿರುವ 1.5-ಲೀಟರ್, 4-ಸಿಲಿಂಡರ್, ಟರ್ಬೊ ಡೀಸೆಲ್ ಎಂಜಿನ್ ಆಗಿದೆ.
ಆದರೆ ಹೊಸ ಎಸ್‍ಯುವಿಯಲ್ಲಿ ಸಾಕಷ್ಟು ಬದಲಾವಣೆ ಮಾಡಲಾಗಿದೆ. ಇದು ಸಂಪೂರ್ಣವಾಗಿ ಪುನರ್ನಿರ್ಮಿಸಿದ ಮುಂಭಾಗ ಮತ್ತು ಹಿಂಭಾಗವನ್ನು ಪಡೆಯುತ್ತದೆ. ಇದು ಆಪಲ್ ಕಾರ್ ಪ್ಲೇ/ಆಂಡ್ರಾಯ್ಡ್ ಆಟೋದೊಂದಿಗೆ 10.1-ಇಂಚಿನ ಟಚ್‍ಸ್ಕ್ರೀನ್ ಇನ್ಫೋಟೈನ್‍ಮೆಂಟ್ ಸಿಸ್ಟಮ್, 10.25-ಇಂಚಿನ ಸಂಪೂರ್ಣ ಡಿಜಿಟಲ್ ಕ್ಲಸ್ಟರ್, ಸಬ್ ವೂಫರ್ ಮತ್ತು ಆಂಪ್ಲಿಫೈಯರ್‍ನೊಂದಿಗೆ ಆರು-ಸ್ಪೀಕರ್ ಸ್ಕೋಡಾ ಸೌಂಡ್ ಸಿಸ್ಟಮ್, ಸ್ವಯಂಚಾಲಿತ ಕ್ಲೈಮೇಟ್ ಕಂಟ್ರೋಲ್, ಪನೋರಮಿಕ್ ಸನ್‍ರೂಫ್, ಲೆದರೆಟ್ ಸೀಟುಗಳು ಸೇರಿದಂತೆ ಹಲವು ವೈಶಿಷ್ಟ್ಯಗಳೊಂದಿಗೆ ಈ ಎಸ್‍ಯುವಿ ಬರುತ್ತಿದೆ.
