ಜಬರ್‌ದಸ್ತ್ ಆಗಿಯೇ ಎಂಟ್ರಿ ಕೊಟ್ಟಿದೆ ರಾಯಲ್ ಎನ್ಫೀಲ್ಡ್ ಗೆರಿಲ್ಲಾ 450 ಅಪೆಕ್ಸ್ : ವೈಶಿಷ್ಟ್ಯಗಳೇನು? ಬೆಲೆ ಎಷ್ಟು?
ರಾಯಲ್ ಎನ್ಫೀಲ್ಡ್ ತನ್ನ ಗೆರಿಲ್ಲಾ 450ಗೆ ಹೊಸ ವೇರಿಯೆಂಟ್ ಒಂದನ್ನು ಸೇರಿಸಿದೆ. ಈ ಹೊಸ ರೂಪಾಂತರವನ್ನು ರಾಯಲ್ ಎನ್ಫೀಲ್ಡ್ ಗೆರಿಲ್ಲಾ 450 ಅಪೆಕ್ಸ್ ಎಂದು ಹೆಸರಿಸಲಾಗಿದೆ. ಇದರ ಜೊತೆಗೆ ಕಂಪನಿ ಡ್ಯಾಶ್ ವೇರಿಯೆಂಟ್ ಅನ್ನು ಅಪ್‌ಡೇಟ್ ಮಾಡಿದ್ದು, ಇದರಲ್ಲಿ ಹೆಚ್ಚಿನ ಇಕ್ಯೂಪ್ಮೆಂಟ್‌ಗಳನ್ನು ಸೇರಿಸಿದೆ.
ಹೊಸ ಗೆರಿಲ್ಲಾ 450 ಅಪೆಕ್ಸ್ ಅನ್ನು ಅಪೆಕ್ಸ್ ರೆಡ್, ಅಪೆಕ್ಸ್ ಬ್ಲ್ಯಾಕ್ ಮತ್ತು ಅಪೆಕ್ಸ್ ಗ್ರೀನ್ ಎಂಬ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ನೀಡಲಾಗುತ್ತದೆ. ಸದ್ಯ ಈ ಬೈಕ್‌ನ ಪರಿಚಯಾತ್ಮಕ ಬೆಲೆಯನ್ನು ಘೋಷಿಸಲಾಗಿದ್ದು, ಇದು ನಂತರ ಪರಿಷ್ಕರಣೆಯಾಗಬಹುದು. ಸದ್ಯ ಅಪೆಕ್ಸ್ ರೂಪಾಂತರದ ರೆಡ್ ಆವೃತ್ತಿಯ ಎಕ್ಸ್ ಶೋರೂಮ್ ಬೆಲೆ 2,49,194 ರೂಪಾಯಿಗಳಾದರೆ, ಬ್ಲ್ಯಾಕ್ ಹಾಗೂ ಗ್ರೀನ್‌ನ ಎಕ್ಸ್‌ಶೋರೂಮ್ ಬೆಲೆ 2,56,387 ರೂಪಾಯಿ ಆಗಿದೆ.
ಈ ಬೈಕ್ 56 ಮಿಮೀ ಕೆಳಗೆ ಮತ್ತು 57 ಮಿಮೀ ಮುಂದೆ ಇರಿಸಲಾದ ಹೊಸ ಅಲ್ಯೂಮಿನಿಯಂ ಹ್ಯಾಂಡಲ್‌ಬಾರ್ ಅನ್ನು ಹೊಂದಿದೆ. ಅಪೆಕ್ಸ್ ವ್ರೆಡೆಸ್ಟೀನ್‌ನಿಂದ ಪಡೆದ ಹೊಸ ಟೈರ್‌ಗಳ ಜೊತೆಗೆ ಮುಂಭಾಗದಲ್ಲಿ ಸಣ್ಣ ಫ್ಲೈಸ್ಕ್ರೀನ್ ಮತ್ತು ಹಿಂಭಾಗದ ಕವರ್‌ನಂತಹ ಸಣ್ಣ ವಿನ್ಯಾಸ ನವೀಕರಣಗಳನ್ನು ಹೊಂದಿದೆ.
ಯಾಂತ್ರಿಕವಾಗಿ ಈ ಬೈಕ್‌ನಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿದೆ. ಈ ಬೈಕ್ 450 ಸಿಸಿ ಶೆರ್ಪಾ ಎಂಜಿನ್‌ನಿಂದ ಶಕ್ತಿ ಪಡೆಯುತ್ತದೆ. ಈ ಎಂಜಿನ್ 40 ಎಚ್‌ಪಿ ಶಕ್ತಿ ಹಾಗೂ 40 ನ್ಯೂಟನ್ ಮೀಟರ್ ಟಾರ್ಕ್ ಅನ್ನು ಹೊರಹಾಕುತ್ತದೆ. ಈ ಎಂಜಿನ್ ಆರು-ವೇಗದ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಯಾಗಿ ಬರುತ್ತದೆ. ಬ್ರೇಕಿಂಗ್ ಕರ್ತವ್ಯಗಳನ್ನು 310 ಎಂಎಂ ಫ್ರಂಟ್ ಡಿಸ್ಕ್ ಮತ್ತು 270 ಎಂಎಂ ರಿಯರ್ ಡಿಸ್ಕ್ ನಿರ್ವಹಿಸುತ್ತದೆ. ಇದು ಡ್ಯುಯಲ್-ಚಾನೆಲ್ ಎಬಿಎಸ್‌ನಿಂದ ಬೆಂಬಲಿತವಾಗಿದೆ.
ರಾಯಲ್ ಎನ್ಫೀಲ್ಡ್ ಡ್ಯಾಶ್ ವೇರಿಯೆಂಟ್‌ನಲ್ಲಿ ಕೆಲ ಅಪ್‌ಡೇಟ್ ಮಾಡಲಾಗಿದೆ. ಡ್ಯಾಶ್ ಟ್ರಿಮ್‌ನೊಂದಿಗೆ ಈಗ ಸ್ಟ್ಯಾಂಡರ್ಸ್ ಆಗಿ ಹೆಡ್‌ಲ್ಯಾಂಪ್‌ ಗ್ರಿಲ್ ಹಾಗೂ ನಕಲ್ ಗಾರ್ಡ್‌ಗಳು ಸಿಗುತ್ತಿವೆ. ಜೊತೆಗೆ ಇದು ಪರಿಷ್ಕೃತ ಟೈರ್ ಕಂಪಾಂಡ್ ಅನ್ನೂ ಹೊಂದಿದ್ದು, ಕಂಪನಿ ಪ್ರಕಾರ ಶುಷ್ಕ ಪರಿಸ್ಥಿತಿಗಳಲ್ಲಿ ಸುಮಾರು 8 ಪ್ರತಿಶತ ಉತ್ತಮ ಗ್ರಿಪ್ ಹಾಗೂ ಒದ್ದೆಯಾದ ರಸ್ತೆಗಳಲ್ಲಿ ಶೇಕಡಾ 17ರಷ್ಟು ಸುಧಾರಿತ ಗ್ರಿಪ್ ಅನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಡ್ಯಾಶ್ ವೇರಿಯೆಂಟ್‌ನಲ್ಲಿ ಟ್ವಿಲೈಟ್ ಬ್ಲೂನ ಎಕ್ಸ್ ಶೋರೂಮ್ ಬೆಲೆ 2,49,194 ರಿಂದ ಪ್ರಾರಂಭವಾಗಿ ಶ್ಯಾಡೋ ಆಶ್, ಸ್ಮೋಕ್ ಸಿಲ್ವರ್ ಮತ್ತು ಪೀಕ್ಸ್ ಕಂಚಿಗೆ ರೂಪಾಯಿ 2,67,116 ತನಕ ತಲುಪುತ್ತದೆ. ಇದರಲ್ಲಿ ಬ್ರಾವಾ ಬ್ಲೂನಲ್ಲಿರುವ ಟಾಪ್-ಸ್ಪೆಕ್ ಫ್ಲ್ಯಾಶ್ ರೂಪಾಂತರದ ಎಕ್ಸ್‌ಶೋರೂಮ್ ಬೆಲೆ 2,72,479 ರೂಪಾಯಿ ಆಗಿದೆ.
