ಭಾರತದಲ್ಲಿ ದೊಡ್ಡ ಮಾರುಕಟ್ಟೆಯನ್ನು ಹೊಂದಿರುವ ಮಾರುತಿ ಸುಜುಕಿ ತನ್ನ ಮತ್ತೊಂದು ಪ್ರಮುಖ ಉತ್ಪಾದನಾ ಮೈಲುಗಲ್ಲನ್ನು ತಲುಪಿದೆ. ಸದ್ಯ ಕಂಪನಿಯು ಗುಜರಾತ್‍ನಲ್ಲಿರುವ ತನ್ನ ಹನ್ಸಲ್‍ಪುರ ಘಟಕದ ನಾಲ್ಕನೇ ಸ್ಥಾವರದಲ್ಲಿ ವಾಣಿಜ್ಯ ಉತ್ಪಾದನೆಯನ್ನು ಪ್ರಾರಂಭಿಸಿದೆ. ಈ ಮೂಲಕ ಈ ಘಟಕದ ವಾರ್ಷಿಕ ಉತ್ಪಾದನಾ ಸಾಮಥ್ರ್ಯ 10 ಲಕ್ಷ ವಾಹನಗಳಿಗೆ ಏರಿಕೆಯಾಗಿದೆ.
ಹೊಸದಾಗಿ ಕಾರ್ಯಾರಂಭ ಮಾಡಿದ ಸ್ಥಾವರ ಡಿ ವಾರ್ಷಿಕ 2.5 ಲಕ್ಷ ಯೂನಿಟ್‍ಗಳ ಸಾಮಥ್ರ್ಯವನ್ನು ಹೊಂದಿದೆ. ಈ ಹೊಸ ಸ್ಥಾವರದ ವಿಸ್ತರಣೆಗೆ ಮುನ್ನ ಹನ್ಸಲ್‍ಪುರ ಸಂಕೀರ್ಣದಲ್ಲಿ ವಾರ್ಷಿಕವಾಗಿ 7.5 ಲಕ್ಷ ವಾಹನಗಳನ್ನು ನಿರ್ಮಿಸಬಹುದಿತ್ತು. ಈಗ ಇದಕ್ಕೆ ಹೆಚ್ಚುವರಿ 2.5 ಲಕ್ಷ ಯೂನಿಟ್‍ಗಳು ಸೇರ್ಪಡೆಯಾಗಿದ್ದು, ಸ್ಥಾವರ ಡಿ ಕಾರ್ಯನಿರ್ವಹಿಸುತ್ತಿರುವುದರಿಂದ ಒಟ್ಟು ಸಾಮರ್ಥ್ಯವು 10 ಲಕ್ಷ ಯೂನಿಟ್‍ಗಳಿಗೆ ಏರಿದೆ.
A landmark moment for #MarutiSuzuki in India and a leap for Indian passenger vehicle manufacturing.
With the start of production at Plant D, Hansalpur facility in Gujarat has achieved an annual production capacity of 1 million vehicles, becoming the first Suzuki manufacturing… pic.twitter.com/S8vZhubBTH
— Maruti Suzuki (@Maruti_Corp) July 30, 2026
ಹೊಸ ಸ್ಥಾವರವು ಆರಂಭದಲ್ಲಿ ಮಾರುತಿ ಸುಜುಕಿಯ ಎಲೆಕ್ಟ್ರಿಕ್ ಎಸ್‍ಯುವಿ ಇ ವಿಟಾರಾವನ್ನು ತಯಾರಿಸುತ್ತದೆ. ಹನ್ಸಲ್‍ಪುರ ಘಟಕವು ಈಗಾಗಲೇ ಬಲೆನೊ, ಫ್ರಾಂಕ್ಸ್ ಮತ್ತು ಸ್ವಿಫ್ಟ್ ಅನ್ನು ಉತ್ಪಾದಿಸುತ್ತದೆ ಮತ್ತು ಇದು ಕಂಪನಿಗೆ ಪ್ರಮುಖ ರಫ್ತು ನೆಲೆಯಾಗಿದೆ.
