2026 Renault Duster SUV : ಎಂಟ್ರಿ ಕೊಟ್ಟಿದೆ ಹೊಸ ರೆನಾಲ್ಟ್ ಡಸ್ಟರ್ : ಬೆಲೆ ಎಷ್ಟು?
ರೆನಾಲ್ಟ್ ಇಂಡಿಯಾ ತನ್ನ ಬಹುನಿರೀಕ್ಷಿತ 2026 ರೆನಾಲ್ಟ್ ಡಸ್ಟರ್ ಎಸ್‌ಯುವಿಯನ್ನು ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಹೊಸ ಡಸ್ಟರ್‌ನ ಆರಂಭಿಕ ಎಕ್ಸ್‌ಶೋರೂಮ್ ಬೆಲೆ 10.29 ಲಕ್ಷ ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ಇದರ ಎಕ್ಸ್‌ಶೋರೂಮ್ ಬೆಲೆಗಳು 10.29 ಲಕ್ಷ ರೂಪಾಯಿಯಿಂದ ಆರಂಭಿಸಿ 18.09 ಲಕ್ಷ ರೂಪಾಯಿ ತನಕ ಸಾಗುತ್ತದೆ. ಆದರೆ 2026ರ ಮಾರ್ಚ್ ರೊಳಗೆ ತಮ್ಮ ಕಾರುಗಳನ್ನು ಮುಂಗಡವಾಗಿ ಬುಕ್ ಮಾಡುವ ಗ್ರಾಹಕರಿಗೆ 10.29 ಲಕ್ಷ ರೂಪಾಯಿ ಆರಂಭಿಕ ಬೆಲೆ ಅನ್ವಯಿಸುತ್ತದೆ. ಅದರ ನಂತರ ಪ್ರಮಾಣಿತ ಬೆಲೆ ರೂ. 10.49 ಲಕ್ಷದಿಂದ (ಎಕ್ಸ್-ಶೋರೂಂ) ಪ್ರಾರಂಭವಾಗುತ್ತದೆ.
ಈ ಹೊಸ ಎಸ್‌ಯುವಿಗಾಗಿ ಈಗಾಗಲೇ ಬುಕ್ಕಿಂಗ್ ಶುರುವಾಗಿದ್ದು, ಆಸಕ್ತ ಗ್ರಾಹಕರು ಹತ್ತಿರದ ಡೀಲರ್‌ಶಿಪ್‌ಗಳಲ್ಲಿ ಅಥವಾ ಆನ್‌ಲೈನ್‌ನಲ್ಲಿ ಬುಕ್ ಮಾಡಿಕೊಳ್ಳಬಹುದಾಗಿದೆ. ಹೊಸ ಡಸ್ಟರ್ ಭಾರತದ ಹಲವು ಶೋರೂಮ್‌ಗಳಿಗೆ ಈಗಾಗಲೇ ತಲುಪಿದ್ದು, ಶೀಘ್ರ ಡೆಲಿವರಿ ಕೂಡಾ ಆರಂಭವಾಗುವ ನಿರೀಕ್ಷೆ ಇದೆ.
ಅಥೆಂಟಿಕ್, ಎವೆಲ್ಯೂಷನ್‌, ಟೆಕ್ನೋ, ಟೆಕ್ನೋ ಪ್ಲಸ್ ಹಾಗೂ ಐಕಾನಿಕ್ ಹೀಗೆ ಐದು ವೇರಿಯೆಂಟ್‌ಗಳಲ್ಲಿ 2026 ರೆನಾಲ್ಟ್ ಡಸ್ಟರ್ ಎಸ್ಯುವಿ ಸಿಗುತ್ತಿದೆ.
ಇದನ್ನು ಮೂರು ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. 1.0-ಲೀಟರ್, 3-ಸಿಲಿಂಡರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ 100 ಪಿಎಸ್ ಶಕ್ತಿ ಹಾಗೂ 160 nm ಟಾರ್ಕ್ ಹೊರಹಾಕುತ್ತದೆ. ಈ ಎಂಜಿನ್ 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಯಾಗಿ ಬರುತ್ತದೆ. ಇನ್ನೊಂದು 1.3-ಲೀಟರ್, 4-ಸಿಲಿಂಡರ್, ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 163 ಪಿಎಸ್ ಶಕ್ತಿ ಹಾಗೂ 280 nm ಟಾರ್ಕ್ ಹೊರಹಾಕುತ್ತದೆ. ಈ ಎಂಜಿನ್ 6-ಸ್ಪೀಡ್ DCT ಅಥವಾ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್‌ನೊಂದಿಗೆ ಬರುತ್ತದೆ. ಮೂರನೇಯದ್ದು 109 hp ನೊಂದಿಗೆ 49hp ಎಲೆಕ್ಟ್ರಿಕ್ ಮೋಟಾರ್ ಮತ್ತು 20hp ಹೈಬ್ರಿಡ್ ಸ್ಟಾರ್ಟರ್ ಜನರೇಟರ್ (HSG) ಜೊತೆಗೆ ಜೋಡಿಸಲಾದ ದೊಡ್ಡ 1.8-ಲೀಟರ್ ಸ್ಟ್ರಾಂಗ್ ಹೈಬ್ರಿಡ್ ಪೆಟ್ರೋಲ್ ಎಂಜಿನ್ ಆಗಿದೆ. ಇದು 1.4kWh (280V) ಬ್ಯಾಟರಿಯೊಂದಿಗೆ ಜೋಡಿಸಲ್ಪಟ್ಟಿದೆ. ಇದು 160 ಎಚ್‌ಪಿ ಶಕ್ತಿ ಮತ್ತು 172 ಎನ್‌ಎಂ ಟಾರ್ಕ್ ಅನ್ನು ನೀಡುತ್ತದೆ.
2026 ರೆನಾಲ್ಟ್ ಡಸ್ಟರ್ ಟಾಟಾ ಸಿಯೆರಾ, ಕಿಯಾ ಸೆಲ್ಟೋಸ್, ಹುಂಡೈ ಕ್ರೆಟಾ, ಮಾರುತಿ ಸುಜುಕಿ ಗ್ರ್ಯಾಂಡ್ ವಿಟಾರಾ, ಮಾರುತಿ ವಿಕ್ಟೋರಿಸ್, ಟೊಯೋಟಾ ಅರ್ಬನ್ ಕ್ರೂಸರ್ ಹೈರೈಡರ್, ಹೋಂಡಾ ಎಲಿವೇಟ್‌ನಂತಹ ಮಧ್ಯಮ ಗಾತ್ರದ ಎಸ್ಯುವಿ ವಿಭಾಗದಲ್ಲಿ ಸ್ಪರ್ಧಿಸಲಿದೆ.
